Тошкент  ислом университети Талабалар турар  жойида “Конституция-бахтли ҳаётимизнинг ҳуқуқий асоси” мавзусида давра суҳбати бўлиб ўтди.

        Давра суҳбати давомида Тошкент ислом университети “Миллий ғоя, манавият асослари ва ҳуқуқ талими” кафедраси ўқитувчиcи Ж.Хотамов, Тошкент Давлат юридик университети “Фуқоролик процессуал ва ҳўжалик процессуал ҳуқуқи” кафедраси  ўқитувчиси С.Бозоров, Талабалар турар  жойининг 85нафар талабалари.

   “Миллий ғоя, манавият асослари ва ҳуқуқ талими” кафедраси ўқитувчиcи Ж.Хотамов конституциямизнинг қабул қилинганлигига 22 йил бўлганлиги билан барчани табрилкаб, бугунги кунда асосий қомусимиз ҳисобланган конституция фуқароларнинг ҳуқуқлари ва эркинликларини таъминлашга кафил бўлаётганини таъкидлаб ўтди. Шундан сўнг, “Конституция-бахтли ҳаётимизнинг ҳуқуқий асоси” номли давра суҳбатини  қуйидаги жумлалар билан бошлади :

        Мустақилликка эришганимиздан сўнг қилинган энг буюк ишлардан бири бу ўз мустақил конституциямизни қабул қилганимиздир. Бу конституциямиз фуқаролар турмуш тарзини яхши томонга ўзгартириш, мамлакатимиз ижтимоий, сиёсий ҳаётини янада яхшилаш учун ҳуқуқий пойдевор бўлганлигини айтиб ўтди. “Бош Қомусимиз”, “Асосий Қонунимиз” дея улуғланган конститутсиямизга ушбу сифатларнинг берилиши бежиз эмаслиги ҳақида маълумот берди.Шунингдек конституциямизнинг 31-моддасида ҳамма учун виждон эркинлиги кафолатланади. Ҳар бир инсон хоҳлаган динга эътиқод қилиши ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга  йўл қўйилмайди  деб  таъкидланган. Зеро ҳозирда фуқароларимизнинг ҳуқуқий онги янада ривожланиб бораётган бўлсада, ушбу тушунчаларни ғараз ниятдаги кимсалар турли ҳил талқин қилиб, ёшларимизнинг онгига зарарли қарашларни сингдиришга ҳаракат қилаётганлигини ва бу хавфдан доимо огоҳ туруш заруратини ўз навбатида таъкидлаб ўтди. 

• конституц

       Тошкент  ислом  университети Талабалар  турар  жойида “Ёшларда диний-ақидавий оғишнинг ижтимоий-психологик омиллари” мавзуcида давра суҳбати бўлиб ўтди.

Давра суҳбатида Тошкент  ислом  университети “Психология ва фалсафий фанлар” кафедраси мудири М.Сапаров, кафедра дотцент ўқитувчилари: Л.Турсунов, М.Маматов, А.Расулов иштирок этди.

             “Бугунги ривожланган ахборот технологиялари замони  ёшлар маънанавий  ҳаётига таъсир кўрсатмай қолмайди. Энг хавфли таъсирлардан бири эса албатта, эътиқодга бўлган таъсир ҳисобланади. Бугунги мавзумиз ҳам манашу долзарб масала билан боғлиқ”- дея таъкидлади М.Сапаров.

         Инсонларни диний-ақидавий оғишларига қуйидаги омиллар сабаб бўлади. Ушбу омиллар диний-экстремистик гуруҳлар томонидан асосий дастур қилиб олинган.

1.      Диний ва дунёвий билимлари етарлича чуқур бўлмаган инсонлар топиш ва жалб қилиш.

2.      Ота-бобосининг нотўғри эътиқодда эканлигига ишонтириш ва ўз ғояларини сингдириш.

3.      Доимо ҳам маънавий ҳам моддий томондан рағбатлантириб туриш. Ўз ғоялари сингдирилган манбалар билан таъминлаш.

4.      Инсонни ҳар қандай ҳолатга тайёрлаш яъни бирор ҳадис ёки оятни  нотўғри талқин қилиш орқали уни инсон онгига чуқур сингдириш.

Ушбу омиллар жамиятимиздаги баъзибир инсонларни ўз эътиқодидан оғишга олиб келмоқда дея таъкидлади Л.Турсунов.

• yoshlar

    Ҳар қандай замонавий давлатда ахборот ҳамиша жамият ҳаётида содир бўлаётган воқеа ва ҳодисаларни истеъмолчига ҳолис етказиб бериш ва кишиларнинг онги, дунёқараши, ижтимоий-сиёсий ҳамда ҳуқуқий маданиятини шакллантиришда асосий восита бўлиб хизмат қилиб келмоқда. Айни пайтда шиддат билан ўзгариб бораётган глобаллашув жараёнида ҳаётимизнинг бирор бир соҳасини ОАВ сиз тасаввур қилиб бўлмайди. Ҳозирда интернет ҳам ОАВнинг бир кўриниши сифатида талқин қилинмоқда. Интернет тармоғи орқали кун давомида қанчадан-қанча ахборотлар қабул қилинади.

     Ҳар куни миллионлаб одамлар Интернетда ҳар хил мақсадларда фойдаланади. Ўзбекистонда фойдаланувчиларнинг асосий қисми электрон почталардан фойдаланиш учун Интернетни ишлатади. Интернет – қиммат бўлмаган, журналистиканинг ривожи учун катта таъсир кўрсатаётган кучли тизимдир.

• yoshlar

      20-ноябрдан 20-декабргача ўтказиладиган “Ёнғин хавфсизлиги ойлиги” муносабати билан Тошкент  ислом  университети Талабалар  турар  жойида Тошкент ислом университети Меҳнатни муҳофаза қилиш инспектори И.Абдуҳамитова билан давра суҳбати ўтказилди. Учрашувда Талабалар турар жойининг 100 нафар  талабаси иштирок этди.

          И.Абдуҳамитова жорий йилнинг 20-ноябридан 20-декабргача республикамизда “Ёнғин хавфсизлиги ойлиги” ўтказилиши муносабати билан Талабалар турар жойида тушунтириш ишлари олиб борди. У талабалар ўртасида Талабалар  турар  жойида очиқ оловдан фойдаланмаслик, қўлбола ясалган электр иситиш ускуналаридан фойдаланмаслик, электр жиҳозлари билан ишлаш, уларга эътиборсизлик билан муносабатда бўлганда қандай салбий оқибатларга олиб келиши тўғрисида огоҳлантириш ва тушунтиришлар бериб ўтди.

• Yong`in

Тошкент  ислом  университети Талабалар  турар  жойида “Фасоҳат илмининг султони” номли  ҳужжатли филмь намойиши ўтказилди.

Қатнашдилар:  Ўзбекистонда хизмат кўрсатган санъат арбоби А. Исмоилов, Тарих фанлари доктори, профессор У.Уватов, Маънавий-маърифий ишлар бўйича проректор У.Ғафуров, Исломшослик илмий-тадқиқот маркази директори У.Усмонов, кинорежиссорлар Д.Шокиров, Ҳ.Эргашев, Маънавият, маърифат ва иқтидорли талабалар билан ишлаш бўлими бошлиғи З.Рўзиев  ва ТТЖнинг 100 нафар талабалари.

 Маънавий-маърифий ишлар бўйича проректор У.Ғафуров талабаларга меҳмонларни таништириб ўтди. Сўнг “Ўзбеккино миллий агентлиги” томонидан суратга олинган “Фасоҳат илмининг султони” номли ҳужжатли филмьнинг илк намойиши Тошкент ислом университетида бўлаётганлигидан ҳамма хурсандлигини таъкидлаб ўтди.

• филмь

Сиз Арасту асос солган мантиқ билимини қай даражада биласиз? Ушбу саволларга                   3 дақиқа ичида қандай жавоб беришингизга қараб, бунианиқлаш мумкин.

1. Австралияда 7 ноябрь куни борми?

2. Қўлингиз 10 та бармоқлардан иборат. 10 та қўлда неча бармоқ бор?

3. Сиз Тошкентдан Москвага учаётган самолётнинг учувчисисиз. Учувчининг ёши нечада?

4. Одатда йил ойлари 30 ёки 31 кундан иборат. Қайси ойда 28-кун бор?

5. Сиз қоронғу хонага кираяпсиз. У ерда газ ва бензин билан ёнадиган иккита чироқ бор. Дастлаб, нимани ёқасиз?

6. Шифокор ҳар ярим соатда қабул қилиш учун 3 та муолажа турини ёзиб берган. Барча муолажа турларини қанча вақтда олиб бўласиз?

7. 1 дан 100 гача бўлган рақамлар ичида нечта 6 рақами бор?

НАТИЖАЛАРНИ ТЕКШИРИБ КЎРИНГ.

1) Ҳа.  2) 50 та бармоқ бор. 3) Учувчининг ёши сизники билан тенг. 4) Барча ойларда бор. 5) Биринчи гугурт ёқилади. 6) Бир соат вақт кетади. 7) 19 та 6 рақами бор.

АГАР СИЗ...

Хато 2 тадан кўп бўлмаса: Сиз мантиқан яхши ўйлай биласиз.

3 дан 5 тагача хато қилган бўлсангиз: Сизнинг билимингиз яхши, лекин баъзида хато қиласиз. Лекин ўша хатони тезликда тузата ҳам оласиз. Энг асосийси, бундай мантиқли саволларга жавоб бераётганда шошилмаслик лозим.

6 тадан кўп хато бўлса: сиз ўз устингизда ишлашингиз керак.

      Маълум бўлишича, инсоннинг қай ҳолатда ухлаб ётишига қараб унинг қандай одамлигини аниқласа бўларкан...

      Қатъиятсиз, одамови ва ҳар нарсадан ҳадиксирайдиган кишилар она қорнидаги ҳомила сингари ғужанак бўлиб, тиззаларини иякларига тираб, ёнбош бўлиб ётишга одатланишар экан.

      Босиқ феълли, қатъиятли ва ҳар қандай шароитга тезда мослашиб кетадиган кишилар ярим ҳомила шаклида, яъни тиззаларини қорнига тираб, ёнбош ҳолда ухлашар экан.

      Қўлларини атрофга ташлаганча, елкасидан осмонга қараб ухловчилар ёшлигиданоқ ҳамманинг диққат-эътиборини тортувчи, ўз шахсининг куч-қудратига ишонувчи кишилардир. Ўзини ҳар дам устун қўювчи кишилар, бошқаларни иззат-икроми, совғаларини ҳеч иккиланмасдан қабул қилади. Ўз навбатида ҳеч кимдан қарз бўлиб қолишни истамайди.

• uyqu

Бугун мамлакатимиз ривожланишнинг равон йўлига чиқиб, ўз тараққиётининг “ўзбек модели”га асосланган аниқ ва равшан йўлидан шахдам одимлаб бормоқда. Лекин, мана шу ривожланишни кўра олмайдиган, тараққиётимизга ғов бўлишга ҳаракат қилаётган кучлар ҳам йўқ эмас. Чунки улар мустақилликнинг дастлабки йиллариданоқ эълон қилинган эътиқод эркинлигини тушуниб етмайдилар. Хозирги кунда маънавий таҳдидлар қаторида асосан динни ниқоб қилиб, диний қадриятларимизни оёқ ости қилишга уринаётган мутаассиблик, экстремистик, миссионерлик ҳаракатларининг фаолияти жиддий ташвиш уйғотади. Зеро, дин байроғи остида талончилик ва босқинчилик, террорчилик ва қўпорувчилик ҳаракатларини содир этаётган, жамиятга ҳар томонлама зарар етказаётган бундай ҳаракатлар ижтимоий барқарорликнинг издан чиқишига, миллатлараро ва динлараро адоват, миллатчилик ва диний айирмачилик кайфиятларининг шаклланишига замин яратади. Бу жараённинг хатарли томони шундаки, асосан ўз мустақил фикрига ва ҳаётий тажрибага эга бўлмаган, шунингдек маънавияти, иродаси бўш, билими саёз баъзи ёшлар билиб, билмасдан манфур кучлар  қармоғига илинмоқдалар.         

• ma`rifat

                    Yolg’izlik muammosi insoniyatning eng jiddiy muammolaridan biri bo’lib, bunda inson u yoki bu sabablarga ko’ra, na do’stlik, na muhabbat, na dushmanlik munosabatlarini o’rnata oladi. Inson o’z munosabatlarining to’laqonli va ahamiyatli emasligini his qilganida, muloqot ehtiyojlari qondirilmaganda, yanada o’zini yolg’izroq his qila boshlaydi. O’smirlik davrida yolg’izlik hissining paydo bo’lishiga bir necha omillar sabab bo’lishi mumkin.O’smir uning yolg’izligiga sabab bo’lgan vaziyat oldida o’zini ojiz his qilsa, ruhi tushib kеtadi va uni bartaraf etish uchun hеch qanday qarorlar qabul qila olmaydi yoki aksincha, yolg’izligiga sabab bo’lgan vaziyatni to’liq anglash uni qat'iyat bilan harakat qilishga undaydi.

• Yolg`izlik

       Маънавият масаласи Ватанимиз мустақилликка эришган биринчи кунлардан то ҳозирга қадар мамлакатимиз раҳбарияти томонидан халқимиз диққат марказига қўйиб келинаётган энг жиддий муаммолардан биридир. Зеро, бирон-бир жамият маънавий имкониятларни, одамлар онгида маънавий ва ахлоқий қадриятларни ривожлантирмай ҳамда мустаҳкамламай туриб ўз истиқболини тасаввур эта олмайди. Фақат шу мавзуга махсус бағишланган «Юксак маънавият — енгилмас куч» асарининг ёзилиши эса муаммонинг нақадар жиддий ва долзарблигини кўрсатади. Бу мазкур муаммонинг нафақат республикамиз халқи, балки бутун инсоният олдида турган энг муҳим муаммо эканини теран англашнинг самараси бўлиб, у бугунги кунда нафақат ҳар бир давлат мафкурасининг туб асосини ташкил этадиган, ҳар қайси инсон ва бутун жамият дунёқарашининг шаклланишида калит ролини ўйнайдиган, балки охирги ўн йилликларга келиб бутун жахон маданияти ва цивилизацияси хаётида ҳам долзарб ўринга чиққан муаммодир.

• Internet

         Biz muvaffaqiyatli insonlarning o’z sog’liqlari haqida qayg’urishlari va doimo yaxshi ko’rinishga harakat qilishlarini eshitamiz va guvoh bo’lib kelamiz. Ammo, ularning ichki dunyosi, dunyoqarashi va hayotga yondashuvlari haqida ko’p narsalarni bilmasligimiz aniq. Muvaffaqiyatli insonlar o’zlarining tabiatan tirishqoq, mard va irodali bo’lganliklari tufayli havas qilsa arzigulik darajalarga yetganliklarini ta’kidlab o`tamiz. Bu ma`lumot bilan esa, biz muvaffaqiyatli insonlarning hayotiy misol va kechinmalariga tayangan holda quyidagi 10 ta qoidani keltirish niyatidamiz. Eslatib o’tamiz, bu muvaffaqiyatga eltuvchi shiorlar, faqatgina kuchli insonlargagina xos. Siz bu fazilatlarning qay biriga egasiz?

• muvaffaqiyat

          Талаба ёшлар — мамлакатимиз ёшларининг энг кўзга ташланадиган, интелектуал бой қисми ҳисобланади. Талаба ёшлар ҳақида гan кетганда республикамизда соғлом ва баркамол авлодни тарбиялаш мақсадида Президентимиз илгари сурган ягона ғоя асосидаги кенг кўламли ишлар амалга оширилаётганлигини кўриш мумкин. Шундай йуналишлардан бири сифатида талаба ёшларнинг ҳар томонлама баркамоллигини таъминлаш масаласидир.

         Кейинги йилларда психологик билимларнинг турли соҳаларини кўриб чиқиб, уларни интеграциялаш натижаси сифатида айтиш мумкинки, тадқиқот предмети сифатида ўртага чиқаётган муаммолардан бири — бу стресс ва унинг турли хил шакллари ёки турларини ўрганишдан иборат бўлган масаладир. Шуни айтиш лозимки, ўзбек муҳитида стресс ҳолатлари ва стресснинг ижтимоий-психологик жиҳатлари етарли даражада ўрганилмаган. Масалан, талабаларда кузатиладиган эмоционал стресс ҳолатлари, уларнинг омиллари ва бу ҳолатни бартараф этиш усуллари деярли тадқиқотчилар томонидан мурожаат этилмаган муаммолардан биридир.

• stress

       Oila muqaddas dargoh, uni osoyishta va mustahkamligini saqlash oila a’zolarining burchi va vazifasi hisoblanadi. Farzandga to’g’ri tarbiya berish, ularni ahil-inoqligi, bir-biriga ishonch, o’zaro hurmat, e’tibor yoki kelajakda daho bo’lishida ota-onalarning o’rni beqiyosdir, chunki har bir farzandning xarakteri, qobiliyati va temperamenti o’ziga xos xususiyatga ega bo’lib ular alohida yondashuvni talab etadi. “O’nta bo’lsa o’rni-qirqta bo’lsa, qilig’i boshqa,”-deb, bekorga aytishmagan dono xalqimiz. Bolaning  individual psixologik xususiyatlarini e’tiborga olgan holda, ota-ona oilada shunday tartib-intizom o’rnatishi kerakki, kun davomida bolaning bo’sh vaqti bekor qolmasin, chunki bola bo’sh qoldi deguncha vaqtini bekorchi narsalarga sarflaydi. Buning uchun bola kun tartibini mazmunli tashkil etish yuzasidan maslahatlar berish, nazoratga olish, rag’batlantirish va qo’llab-quvvatlashi lozim, chunki har bir rag’bat bolada o’z-o’ziga bo’lgan ishonchni mustahkamlaydi.

• Tarbiya

Salqin saharlarda, bodom gulida,

Binafsha labida, yerlarda bahor.

Qushlarning parvozi, yellarning nozi,

Baxmal vodiylarda, qirlarda bahor...

Qancha sevar eding, bag’rim, bahorni,

O’rik gullarining eding maftuni.

Har uyg’ongan kurtak hayot bergan kabi

Ko’zlaringga surtib o’parding uni.

• Bahor

        Biz tinchlik-osoyishtalik hukm surayotgan mamlakatda yashamoqdamiz va uning o‘tmishi, buguni va kelajagi bilan g‘ururlanamiz, faxrlanamiz. Biroq ta’kidlash lozimki, bugun  tez sur’atlar bilan o‘zgarib borayotgan, shiddatli va murakkab zamonda umr kechirayotganimizni ham unutmasligimiz lozim.

       Prezidentimiz ta’kidlaganidek, «...bugun biz tez sur’atlar bilan o‘zgarib borayotgan, insoniyat hozirga qadar boshidan kechirgan davrlardan tubdan farq qiladigan o‘ta shiddatli va murakkab bir zamonda yashamoqdamiz. Kimdir uni yuksak texnologiyalar zamoni desa, kimdir tafakkur asri, yana birov yalpi axborotlashuv davri sifatida izohlamoqda. Albatta, bu fikrlarning barchasida ham ma’lum ma’noda haqiqat, ratsional mag‘iz bor. Chunki ularning har biri o‘zida bugungi serqirra va rang-barang hayotning qaysidir belgi-alomatini aks ettirishi, tabiiy. Ammo ko‘pchilikning ongida bu davr globallashuv davri tariqasida taassurot uyg‘otmoqda». Haqiqatdan ham Prezidentimiz Islom Karimov bu davrga globallashuv davri deb aniq, chuqur va mazmundor ta’rif berdi. Bu so‘zning mazmuni butun yer yuzini qamrab oladi, degan ma’noni anglatadi. Hozirgi kunda iqtisod, ilm-fan, texnika, siyosat, mafkura sohasida yuz berayotgan shiddatli o‘zgarishlar butun dunyoga daxldor bo‘lib, barcha davlat va mamlakatlar hayotini qamrab olgan. Ma’lumki, har bir ijtimoiy hodisaning ijobiy va salbiy tomoni bo‘lgani singari, globallashuv ham bundan mustasno emas.

• globallashuv

        Президентимиз И.А.Каримов; «Таълимнинг янги модели жамиятда мустакил фикрловчи эркин шахснинг шаклланишига олиб келади. Ўзининг кадр-кимматини англайдиган, иродаси бакувват, иймони бутун, хаётда аник максадга эга бўлган инсонларни тарбиялаш имконига эга бўламиз» деб таъкидлаганларидек, «Таълим тўгрисида»ги «конун ва Кадрлар тайёрлаш миллий дастури» бугунги кунда шахс тарбиясига жиддий эътиборни каратмокда.

Тарбия психологияси максадга мувофик равишда ташкил этилган педагогик жараён шароитида инсон шахси шаклланишининг конуниятларини ўрганади. Тарбия хар кандай жамиятини мухим вазифасидир.

Тарбия – бу шахснинг ижтимоий маънавий ва ишлаб чикариш фаолиятига тайёрлаш максадида унинг маънавий, жисмоний камолотига мунтазам равишда таъсир кўрсатиш жараёнидир.

Тасаввур килинг: илми зўр, катта ихтироларга курби етадиган, конунларни яхши ўзлаштирган мутахассис — маънавиятисиз, тарбиясиз, ахлоксиз бўлса нима бўлиши мумкин? У ўз манфаатрши ўйлайди, Ватан учун бирор нарса курбон кила олмайди, чунки у -худбин. Унда мехр_г окибат, фидоийлик, ватанпарварлик, миллий ғурур йўк. У мухтожларга ёрдам бермайди. Чунки унда тарбия шаклланмаган.

• тарбия

Дунёга маълумки, Нобел мукофоти бу ҳар йили буюк ишлар, йирик ихтиролар, жамият тараққиёти ёҳуд маданиятига салмоқли ҳисса қўшган кишиларга бериладиган халқаро мукофот бўлиб, А.Нобелнинг 1895-йили қoлдирган васиятига кўра, вафотидан кейин ундан қолган маблағ асосида 1900-йили Нобел жамғармаси ташкил этилган. Шу жамғарманинг номи билан аталган мукофот ҳар йили ирқи, миллати, жинси ва динидан қатъий назар физика, кимё, физиология, тиббиёт соҳасидаги кашфиётларни, бадиий асарлар, халқлар дўстлиги ва тинчликни мустаҳкамлаш йўлида кўрсатилган фаолият учун берилиб келинади. Биринчи бор айни мукофот 1901-йилда топширилган.       

               Мукофот швеция пойтахти Стокголмда хар йилги 10 декабр Нобел вафот этган куни тадирлаш маросими ўтказилган. 2009 йилга келиб жами 762 киши (еркаклар ) Нобел сохиби ва аёллар эса 40 тани ташкил этган.

• Нобел

        O‘zbekiston Respublikasi Prezidentining 2012 yil 10 dekabr kungi “ Chet tillarini o‘rganish tizimini yanada takomillashtirish  chora-tadbirlari to‘g‘risida”gi PQ-1875 qarori qabul qilingan edi. O‘zbekiston Respublikasining “Ta'lim to`g‘risida”gi Qonunini  hamda Kadrlar tayyorlash milliy dasturini amalga oshirish doirasida chet tillarga o‘qitishning kompleks tizimi, ya'ni uyg‘un kamol topgan, o‘qimishli, zamonaviy fikrlovchi yosh avlodni shakllantirishga, respublikaning jahon hamjamiyatiga yanada integratsiyalashuviga yo‘naltirilgan tizim yaratildi.

      13-iyun kuni Toshkent islom universitetida «G`arb» tillar kafedrasi katta o`qituvchisi Barno Shamsimatova ishtirokida universitet professor o`qituvchilari bilan Chet tillarni o’qitishni takomillashtirish to`grisida uchrashuv bo`lib o`tdi.

• Ingliz tili

      Bu yil oliy ta'lim muassasalarida ta'lim va kasb yo‘nalishlariga bir qator yangiliklar kiritildi, kirish imtihonlari tizimida ham ayrim o‘zgartirishlar joriy etildi. Prezidentimiz Islom Karimovning 2014 yil 30 aprelda qabul qilingan Respublika oliy ta'lim muassasalariga qabul qilish tartibini yanada takomillashtirish to‘g‘risidagi qarori bu borada muhim dasturilamal bo‘lmoqda.

O‘zbekiston Respublikasi ta'lim muassasalariga qabul qilish bo‘yicha Davlat komissiyasining 2014 yil 3 maydagi 1-son bayoniga asosan O‘zbekiston Respublikasi oliy ta'lim muassasalari ta'lim yo‘nalishlari ro‘yxati va  test bo‘yicha ularga muvofiq keluvchi fanlar majmuasi Davlat test markazi saytining “Abituriyentlar uchun” bo‘limida taqdim etiladi.

• test sinovlari

      Аллоҳга минг бора шукурлар бўлсинки, юртимиз тинч, ҳаётимиз фаровон. Юртимиз кундан – кунга, гуллаб-яшнаб бормоқда. Қурилаётган баланд, ҳашаматли бинолар, кенг  равон йўллар, гўзал оромгоҳларнинг барчаси биз учун, бизнинг фаровон ҳаёт кечиришимиз учундир. “Мустаҳкам оила йили”нинг давоми сифатида 2013 йил муҳтарам Президентимиз томонидан “Обод турмуш йили” деб эълон қилиниши  бизни янада қувонтирган эди. Мазкур санада юртимиз янада гўзаллашиб, ҳаётимиз янада фаровон бўлди.      

• oila